Məlum olduğu kimi, Azərbaycan Respublikasında bəzi sahibkarlıq fəaliyyət növləri müvafiq dövlət orqanları tərəfindən verilən xüsusi razılıq (lisenziya) əsasında həyata keçirilir. Bu fəaliyyət növlərinə bina və qurğuların mühəndis-axtarış işləri, layihələndirilməsi və tikinti-quraşdırma işləri də aiddir. Belə ki, “Bəzi fəaliyyət növlərinə xüsusi razılıq (lisenziya) verilməsi qaydalarının təkmilləşdirilməsi haqqında” Azərbaycan Respublikası Prezidentinin 2002-ci il 2 sentyabr tarixli, 782 nömrəli Fərmanına əlavələr və dəyişiklik edilməsi barədə” Azərbaycan Respublikası Prezidentinin 2007-ci il 13 noyabr tarixli Fərmanı ilə I və II məsuliyyət səviyyəli bina və qurğuların mühəndis-axtarış işləri, layihələndirilməsi və tikinti-quraşdırma işləri ilə bağlı fəaliyyət növləri lisenziyalaşdırılan fəaliyyət növlərinə aid edilmişdir. Qeyd edilən Fərmanla lisenziyalaşdırılan I və II məsuliyyət səviyyəli bina və qurğuların mühəndis-axtarış işləri, layihələndirilməsi və tikinti-quraşdırma işləri ilə bağlı fəaliyyət növləri, bu fəaliyyət növləri üzrə ödənilməli olan dövlət rüsumlarının məbləğləri təsdiq edilmişdir.Bununla yanaşı, Azərbaycan Respublikası Prezidentinin 2007-ci il 13 noyabr tarixli Fərmanında I, II və III məsuliyyət səviyyəli bina və qurğuların təsnifatını nəzərdə tutan yeni dövlət standartının, habelə binaların, hidrotexniki qurğuların, körpülərin və sair obyektlərin tikintisinin xüsusiyyətlərini nəzərə alaraq I və II məsuliyyət səviyyəli bina və qurğuların mühəndis-axtarış işləri, layihələndirilməsi və tikinti-quraşdırma işləri üzrə lisenziyalaşdırılan işlər və xidmətlərin Siyahısının hazırlanıb təsdiq edilməsi nəzərdə tutulmuşdur. I və II məsuliyyət səviyyəli bina və qurğuların mühəndis-axtarış işləri, layihələndirilməsi və tikinti-quraşdırma işləri ilə bağlı fəaliyyət növlərinə lisenziya (xüsusi) razılıq verilməsinə dair (bu mövzuda) ətraflı məlumat almaq istəyirsinizsə, “HES” hüquq firmasına müraciət edin.